Hopp til innhold Hopp til hovedmeny
Møre og Romsdal fylkeskommune > Tenesteområde > Samferdsel
Møre og Romsdal har store utfordringar når det gjeld å innordne eit tenleg, godt og berekraftig samferdselstilbod. For å skape eit attraktivt fylke, er det viktig med eit godt transportsystem, så vel for gåande og syklande som for kollektivreisande og bilistar. Dersom Møre og Romsdal ikkje skal tape i kampen om arbeidskrafta og dersom næringslivet i fylket skal vere konkurransedyktig også i framtida, er det naudsynt med eit effektivt transportsystem.
I samband med lokale gründercampar i Molde, utfordra samferdselsavdelinga fire grupper til å kome med innspel på utfordringar innan samferdsel. To av gruppene som løyste oppdrag for samferdselsavdelinga gikk vidare til kommunefinalen for Molde den 20. april.
Møre og Romsdal fylkeskommune har sendt høyringsbrev til kommunar, regionråd og næringsråd på søre Sunnmøre for å få innspel til Widerøe sitt nye ruteprogram for anbodsruter i Norge: – Det er viktig for fylkeskommunen å få innspel frå brukarar av flytilbodet til og frå Hovden, seier rådgivar Hilde J. Svendsen i samferdselsavdelinga.
Samferdselsdepartementet har løyvd vel 2 millionar kroner til eit TT-prøveprosjekt i Møre og Romsdal, der målet er å gi brukarar med stort behov for tilrettelagd transport moglegheit for eit meir aktivt liv.
Reguleringsplanarbeidet i samband med Langfjordtunnelen kan starte opp med ein gong, meiner samferdselssjefen i Møre og Romsdal, som viser til at prosjektet er sjølvfinansierande.
Samferdselssjefen vil bruke nær to milliardar kroner til investeringsprogrammet for fylkesvegane dei komande ti åra. Det største enkelttiltaket er Nordøyvegen, medan dei største programområda er knytte til utbetringar av ferjekaier, vegstrekningar og tunnelar, gang- og sykkelvegar samt kollektiv- og trafikktryggingstiltak.
Det er møte i Samferdselsutvalet onsdag 25.april, på møterom 700 på fylkeshuset.
Hyppigare ferjeavgangar, eige program for etterslep på vedlikehald og ferjefri E39 innan 20 år er krav Møre og Romsdal fylkeskommune (MRFK) fremmar i høyringsuttalen til Nasjonal Transportplan 2014 – 2023.
Møre og Romsdal fylkeskommune skal på seinsommaren 2012 legge ut anbod på ei rutepakke i kommunane Kristiansund, Averøy, Aure og Smøla.
Samferdselsavdelinga har utfordra ungdomsskuleelevar på gründercamp til å sjå på viktige oppgåver, og kome med forslag til gode løysingar på kollektivtransporten.
Møre og Romsdal fylkeskommune er invitert til å kome med forslag til endringar i togtilbodet for passasjerar, og vi vil derfor invitere kommunar og andre til å kome med sine innspel i denne prosessen.
