Barn og unge sine rettar i samfunnsplanlegginga er særskilt sikra i plan- og bygningslova og gjennom Rikspolitiske retningsliner. Kommunane har det primære ansvaret for å innarbeide desse omsyna i sine planar.  Når planar er til offentleg ettersyn vil plan- og analyseavdelinga ha fokus på om dette er gjort. Særleg fokus vil vi ha på tilhøvet for dei yngste barna og korleis bustadområda er tilrettelagt for leik og uteaktivitetar.

Omsynet til barn og unge vil også vere i fokus gjennom ulike opplæringstiltak, konferansar, nettverks-samlingar mv. Kommunane er den viktigaste målgruppa også her.