Miljøutvalet blir etablert som eit tverrfagleg og rådgjevande organ for fylkesutvalet og skal rapportere til fylkesutvalet.

Miljøutvalet skal ha ansvar for klimameldinga og andre liknande planoppgåver innan sitt arbeidsområde. Miljøutvalet vil m.a. behandle saker innan områda biomangfald, friluftsliv, forureining, planlegging for ei berekraftig utvikling, klima, alternativ og fornybar energi. Miljøutvalet kan i tillegg sjølv ta opp saker som det meiner er naturleg å ta opp i høve til sitt arbeidsområde. Miljøutvalet skal arbeide for å fremje miljøomsyn på alle dei fagområda som fylkestinget har mynde over.