Ansvarsområde og serviceoppgåver

• Område der IT-seksjonen har ansvar
• Område der IT-seksjonen har avgrensa ansvarsområde
• Område der IT-seksjonen ikkje har ansvar

Ettersom IT-seksjonen får stadig ønskje om ulike typar tenester ser vi behov for å gje definisjonar på kva serviceansvar IT-seksjonen har i høve til brukarane. I utgangspunktet er det ønskjeleg å yte ein slik service at alle brukarane får den støtta dei treng. På den andre sida har vi avgrensa ressursar i høve til å yte ubegrensa service. For å klargjere kva service IT-seksjonen kan yte har vi nedfelt nokre retningslinjer for servicegraden i høve til brukarane:

a. IT-seksjonen har desse ansvarsområda:

• Installasjon av maskinvare, kommunikasjonsutstyr og basis programvare for sentraladministrasjonen i M&R fylkeskommune.
• Innkjøp/finansiering av arbeidsstasjonar og skrivarar til dei ulike avdelingane.
• Drift av lokalt nettverk (LAN) og fylkesnettet mot dei ytre etatane (WAN), tenarmaskiner som kjem inn under dette og kontorstøtte verktøy i sentraladministrasjonen.
• Installasjon og drift av svitsjar og ruterar ved skolar og institusjonar.
• Drift av sentrale applikasjonar og databasesystem
• Koordinering av nettverkstruktur, standardar, innkjøpsavtalar og generell IT-policy for heile fylkesnettet.
• Drift av nettverk og PC-utstyr ved tannklinikkar
• Innkjøp og vedlikehald av utstyr som vert nytta av IT-personell frå bustaden i samband med beredskap, fjern-overvaking og fjerndrift.
• Rådgjeving, opplæring og samordning for å dra mest mogeleg nytteverdi av dei standard kontorstøttesystema vi har i sentraladministrasjonen.
• Brannmur-oppsett og barrierestruktur i sentraladministrasjonen
• Generell IT-tryggleik (saman med leiargruppa og tryggleiksutvalet)
• 2. linje brukarstøtte for kontorstøtteverktøya i sentraladministrasjonen. Med kontorstøtteverktøy meiner vi operativsystem, meldingssystem, gruppevare, tekstbehandling, rekneark, presentasjonsverktøy, Internett / intranett. Dette gjeld problem som superbrukarane ved dei ulike avdelingane ikkje greier å løyse.

 b. Område der IT-seksjonen har avgrensa ansvarsområde.

• Innkjøp av standard programvare til politikarar og tillitsvalde, her kan vi stille til disposisjon brukt utstyr og tilby programvare til våre innkjøpsprisar.
• Spesialutstyr (ergonometrisk tastatur/mus, multimedia, spesielle skrivarar,  etc.) for dei ulike avdelingane, her kan vi samordne innkjøp og gje råd. Innkjøp vert finansiert over brukaravdelingane sine eigne budsjett. IT-seksjonen har eit rådgjevingsansvar i samband med innkjøp av slikt utstyr for å avklare standard, risikovurdering etc.
• Kjøp, finansiering  og fjerndrift av kommunikasjonsutstyr ved skolar. For alt anna utstyr og programvare samordnar vi innkjøp.

 c. Område der IT-seksjonen ikkje har ansvar

• Direkte kjøp, installasjon og brukarstøtte på privat IT-utstyr og utstyr som blir kjøpt til skolar og mindre institusjonar.
• Kjøp av spesialutstyr og kjøp/brukarstøtte på programvare som er spesiell for berre ei faggruppe eller einskildpersonar.
• Drift av PC-utstyr ved skolar.
• Feilsituasjonar etc. på utstyr og programvare som ikkje er standard, som er skaffa på trass av råd frå IT-seksjonen, eller som ikkje samsvarar med vår strategi.